CHES VŒUX POUR 2013

samedi 29 décembre 2012
par  Dziré

Fireworks over Hamburg of the japanese Kirschblütenfest. Florian Rommerskirchen. Licence CC

Vlo l’ définition 2012 qu’al arrife à grande radeur [1]. Cho fait qu’on s’in vo rintrer dins 2013, d’ bon cœur u bien in s’mangon.nant [2]. Tous les jours, ches jornalisses i nous annonchent-é si tant d’ mécantes affères, qu’on o pus eune buque l’invie d’ rire. Spindant i n’ faut poent décesser [3] d’avoir fiate [4] à l’avnir qu’al vient, pace l’avnir ed 2012, a n’o poent été fin [5] belle, énon ?
Chl’ année chi, si qu’os n’ pouillez poent avoir cho qu’os ez cair [6], alorse faura avoir cair cho qu’os ez [7].
J’ vous souhate tut d’même d’avoir u bien d’ truvoir d’ l’ouvrache aveuc un gagnache [8] assez suffisant pour vife.
Ej souhate cor qu’os wardèches [9] tartous une fin bon.ne santé, pis core qu’os restèches vertillants [10].
Qu’os ayèches gramint d’ agrémint pis core gramint d’ plaisi, et pis core rudmint gramint d’ argint (si qu’os n’ n’ez d’trop, d’argint, os n’érez pos loin à aller pour mucher [11] vou mugot [12] par dryère el lisse belgicaine [13]). Qu’os aderchèches [14] tertous dins vous interprinsses.
À tertous eune bonne hureusse année 2013 !

Le 29/12/2012

Dziré (Ablain Saint Nazaire, 62)


[1radeur : vitesse

[2s’mangon.ner : marmotter en manifestant sa mauvaise humeur

[3i n’ faut poent décesser : il faut continuer

[4avoir fiate : avoir confiance

[5fin : adv. très

[6cho qu’os ez cair : ce que vous aimez

[7faura avoir cair cho qu’os ez : il faudra aimer ce que vous avez

[8gagnache : gain, salaire

[9warder : garder

[10vertillant : vigoureux

[11mucher : cacher

[12mugot : magot, boursicault, argent caché ou mis en réserve

[13par dryère el lisse belgicaine : derrière la frontière belge

[14aderchèches : réussissiez


Agenda

<<

2018

 

<<

Septembre

 

Aujourd’hui

LuMaMeJeVeSaDi
272829303112
3456789
10111213141516
17181920212223
24252627282930
Aucun évènement à venir les 6 prochains mois

Brèves

contacter les rédacteurs

lundi 28 mars 2011

J’ai rchu quiques messaches invo.yés par ches lijeux. Jé lzé li, pis core j’ai poent pouillu rinfliquer pache vous messaches i sont invo.yés dins m’ boète à lette par ech manicraque. Pour mi savoir édu adercher l’ rinflique, fauroèt qu’os laichèches vou adrèche mail dins ch tesque d’ech messache.
Amiteuzmint
Dziré

Pour une réponse personnalisée à un contact avec un rédacteur, il est indispensable de laisser votre adresse mail dans le corps du message.