UN BIAU TRIPÈLE « A » CH’EST DÉMÉRITÉ

mercredi 26 février 2014
par  Dziré

Choès [1], ech prézidint qu’os ons cuji [2] à ch votache [3] ed 2012, pour rimplacher ch’ broulle-toute [4] ed Neuilly, qu’il avoèt maladerché [5] contère la Crisse, pis fait plusse d’espradronnache [6] equ’ d’ouvrache, Choès, i sânne [7] inchpé [8] comme eune glène [9] qu’al o truvé [10] un coutiau.
Pour ches boutiques ed barzuquache [11] qu’al euvent [12]el diminche, pou l’ conterbussyon [13] à 75 dins chint pour ches gagnaches [(gagnache : salaire, rémunération]] dzeur un myion d’uros par moès, pour ches imploès récompinsés [14] par ches patrons in écange [15] d’un disconte [16] dzeur el cotisation d’allocations familiales, pour laicher rintrer ches affligés [17] , dins tous ches bâtimints, Choès, pis sin gouvernmint Ayraultique u bien errotique (jé n’sais poent au jusse equmint qu’ch’est qu’i faut l’ récrire), i démérite un fin biau tripèle [18] « A » [19].
Pache, pour li, equ ch’est un social-berloqueux [20] gn o qu’eune mèche [21] ed faire esn ouvrache, surtout si qui gn o l’moindère vindication [22], ch’est : « Attindons [23], Acoutons [24]…Ardéculons [25] ». Attindons ch’est l’« A » d’edvant, Acoutons ch’est chl’ « A » du mitan [26] pis cor Ardéculons cho fait chl « A » d’ech culot [27]. Queumint qu’ ch’est qu’os volez qu’on euche [28] fiate [29] à eusses !
Faut poent proumette [30] plusse ed burre [31] qu’ed pain.

Le 26/02/2014

Dziré (Ablain Saint-Nazaire, 62)


[1Choès : François, familiarité avec François Hollande

[2cuji : choisi

[3votache : élection

[4broulle-toute : individu qui gesticule beaucoup, qui se monte pour un rien

[5maladerché : échoué

[6espadronnache : gesticulation

[7sânner : sembler

[8inchpé : gêné, encombré voire mal dégourdi

[9glène : poule

[10truvé : trouvé

[11barzuquache : bricolage

[12euvent : ouvrent

[13conterbussyon : contribution, impôt

[14récompinsés : crées en compensation

[15écange : échange

[16disconte : baisse, escompte

[17affligé :handicapé- laicher rintrer dins tous ches bâtimints :donner l’accessibilité aux handicapés

[18tripèle : triple

[19tripèle « A » : référence à la notation des États ; l’appréciation, par une agence de notation financière, du risque de solvabilité financière, le triple A est l’indice de confiance maximal

[20berloquer : balancer par dérision social-berloqueux : social-démocrate

[21mèche : un moyen

[22vindication :ressentiment, rancœur

[23attindons : attendons

[24acoutons : écoutons

[25ardéculons : reculons

[26mitan : milieu

[27culot : l’arrière

[28euche : ait

[29fiate : confiance

[30proumette : promettre

[31burre : beurre


Agenda

<<

2017

 

<<

Août

 

Aujourd’hui

LuMaMeJeVeSaDi
31123456
78910111213
14151617181920
21222324252627
28293031123
Aucun évènement à venir les 6 prochains mois

Brèves

contacter les rédacteurs

lundi 28 mars 2011

J’ai rchu quiques messaches invo.yés par ches lijeux. Jé lzé li, pis core j’ai poent pouillu rinfliquer pache vous messaches i sont invo.yés dins m’ boète à lette par ech manicraque. Pour mi savoir édu adercher l’ rinflique, fauroèt qu’os laichèches vou adrèche mail dins ch tesque d’ech messache.
Amiteuzmint
Dziré

Pour une réponse personnalisée à un contact avec un rédacteur, il est indispensable de laisser votre adresse mail dans le corps du message.