Ch’est-y fin aju (très facile)éd faire un byow gagnage (gagner beaucoup) in berlurant (trompant)ches gins qui sont tères in creuyance (tendres de croyance = crédules) pis qui z aglavent (meurent d’envie) d’ archuvoir (recevoir) un gros mont d’ doupes (tas de pièces, gros lot). Ch’est qu’y n’y in o des masses, pis tout plein pis core éd ches pores (pauvres) gins-lo.
Ech l’étrive (tricherie, arnaque) ch’est tout simpe Os archuvez eune lète qu’al vyent d’eune mason qu’al o un nom d’amon nouzautes.
(Le Grand Tirage conme egzampe, cha vous vo, énon ?) Dins chal lète, o pouillez (pouvez) lire qu’os pouillez gagner deux copons d’ pa.yage (chèques), pis asseurés (certifiés) core in plusse. Ech prémier ch’est pou un mugot (trésor) d’ 17 500 Uros, pis ch’ duzy.inme ch’est vous qu’o z allez cujir (choisir) él grocheur d’ éch mont d’ doupes, mais tinsion faut pont n’in dmander pus d’ 55 000 Uros tout d’ min.me. In vous don.ne un doé (doigt), os voudrètent-è n’in prinde tout ch’ bros (bras) !
N’ y o fauqu’ à (il suffit de) rinfliquer (répondre) à quiques (quelques) questions pou connoite (connaître) qui qu’ ch’est qu’os êtes, pis rinvo.yer un copon d’ pa.yage éd quinje Uros, pache qu’ i faut prinde és part dins chal maniance (gestion) d’éch tirlibibi (loterie), pis si qu’os n’ durez (supportez) pus d’ jorer (attendre) con.me cho pis qu’os volez passer padvant lzautes alorse faut arfaire un aute copon d’ pa.yage éd chinq uros.
Qui qu’ ch’est don qui fait l’maniance d’éch ju lo ? ch’est ch’ CCC (comptoir central des Comptes) ch’ est un nom d’amon nouzautes mais ch’ l’adrèche ch’est in Holande. Pou ch’ lijaje éd ches règs (règles) d’éch ju-lo, in o gramin d’ ruzes (difficultés), pache il ont écrit aveuc des toutes pitites lètes. Ech tirache d’éch liméro qu’il est ch’ grand gagnant, il o té fait d’avanche. N’ y o fauqu’ un grand gagnant. Pou cho, i doé rinvo.yer sin billet pis sin copon d’ pa.yache padvant ch’ 31 éd Déchimbe 2007. Ech CCC i warde el drot éd pa.yer in 240 moé (ch’est fauqu’ 20 tiotes années, mes maronnes !) pis i warde (garde) incore el drot (droit) d’ arrèter toute, in cas d’ forche majeure (in n’ sait pont chou cha n’est d’él forche majeure) pis sans récompinser (rembourser) ches jueux (joueurs). Pour n’in faire un bon compte, i peutent-è core mète éd cotey in liméro gagnant sans l’invo.yer à parson.ne con.me cho n’y o pont d’ gagnant.
In cachant such l’intarnète, aveuc www.LesArnaques.com in comprind équ Le Comptoir Financier des Comptes, le Centre International des Paiements, la Société d’administration Départementale Financière et Eurodiffusion., ch’est tous des noms pou l’ min.me étriveux (tricheur). Faut surtout pont invo.yer d’ copons d’ pa.yage à ches rapineux-lo (voleurs).
Si qui sont in Holande ch’est qui n’ y o pont d’ fiate (confiance) à avoir. Si qu’i z arrivent-è core à berlurer des gins, ch’est qu’un si gros mont d’ doupes cha ratire gramin d’ gins, qui n’ peutent-è mie s’arténir éd juer.
.Ch’est pont eune conyance (coïncidence), dins in pa.ys édu qu’ sochante dins chint (60%) d’ ches gins i z abloquent-e (financent) chal Fransèze éd ches jus.

(*) La tromperie de la loterie !

Le 23/02/2007
Dziré (Ablain Saint Nazaire, 62)