Sainte Sévère ch’est Sainte Sévère dzeur ch’ l’ Indre, pis Saint Nazaire, ch’est Ablain Saint Nazaire dins ch’ Pas-de-Calais.
Ches jours chi (26 et 27/05/07) à Sainte-Sévère in fait in on.mache (hommage) à Tati, qu’il o flimé (filmé) l’ ducasse (jour de fête) n’y o déjo sochante (soixante) ans. Pindant l’ guerre 39-45, Jacques Tati il avot vnu s’mette au rados (se réfugier) dins ch’ tiot villache éd l’ Indre. Tati il o ramintuvé (s’est souvenu) el tiote plache (place), el porte rinforchée (fortifiée), ches halles, ech calvaire. Tout chlo ch’étot ch’ décor. Pour li tourner l’manoyelle (manivelle) d’él caméra, Tati il o eu bzon (besoin) éd quiques (quelques) tecniciens pis acteurs, in molé d’acrinquillache (matériel), pis ches gins (habitants) pou ches pitits rôles.
Gisèle Lamy, al avot quinje ans adon (à l’époque), "quanqu’in avot bzon d’ gramin d’ gins éch garchopète(garde-champètre) i passot (passait) aveuc sin tambour, pis il annonchot (annonçait)sin bacheinache (avis général à la population), o bin in allot (allait) quère (chercher) ches gins à l’ sortie d’él messe, et pis core à l’école."
Dins ches gros riaches (gags)d’éch flim, n’y o in intiquage (enfoncement) ed potyow (poteau), fait aveuc un maillot (masse, merlin) par un berlou (qui louche, bigleux) aveuc edz yux (yeux) gros con.me des biscaïens (grosses billes). I z ont caché (cherché) ch’ berlou dins ches villaches alintour, pis il ont truvé toute eune nation (famille) d’ berlous, dins ch’ bourgache (voisinage). Ech tournache il o prind quate mos. Mais ch’est seulmint deux ans après équ ches gins il ont pu vir éch flim. In avot mis in grand lincheu (drap) dsus chal plache pis tertous i cachot (cherchait)à s’ arconnoite (se reconnaître) dins ch’ lanternage (projection). N’y o des gins qu’il ont groulé (boudé) in veyant (voyant) ch’ flim. Tati il avot voulu prinde (photographié) ech curey incrunqué (monté) dsus ch’ gvo (cheval) d’ bos (bois), ches gins il ont étou (aussi) voulu ête dsus l’ photo, cho fait qu’il ont monté s’ mète à cotey d’éch bidet (cheval) d’éch curey. Awette ! Bourdouf ! Ch’étot trop lourd pou ch’ manèche qu’il o balé (basculé) pis cassé. Tati i n’o pont mis ches imaches lo dins ch’ flim, pis ch’ curey il o fait s’ grène (moue).
Ojordui, in o armis (remis) dsus l’ plache éch manèche (manège), el baraque (roulotte), pis ch’ quevron (mât de cocagne)
Saint Nazaire, ch’est eune ramintuverie (souvenir) d’min jone temps (enfance). Adon dins ch’ villache in avot un "télé-cleup" à l’ Amicale Laïque. Cha devot ête fin rale (très rare) pache qu’ éj treuve (trouve) mi janmais parson.ne qui m’ dit "mi étou j’avos chlo dins min villache". Ch’étot dins ches années chinquante, dins eune salle d’él merrie, (eune tiote mason (maison) d’ clerc (instituteur) qu’in laichot (laissée) à l’ Amicale). N’y avot pont core él télé dins ches masons con.me asteure. Alorse ech villache i s’ rasannot (rassemblait) à ch’ vèpe (en soirée) pour li vir tertous insanne "Chinq colonnes à la une", "trinte-six candelles", "chal pisse à z étoiles", ches informations.
In dvot acater (acheter) eune carte carrée aveuc des copons (tickets) dsus ch’ tour d’él carte, à ch’ buryow (débit) d’ toubaque (tabac). Chal carte al avot eune coutance (coût) ed 20 francs éd ches années chinquante. ch’ tot padvant ches nouvyows francs pis ches uros, pis eune quinzenne (paie bimensuelle, quinzaine) d’ouverrier à l’ Ammoniaque à Yévin ch’étot à l’ cantourne (environ) éd 5200 francs.
Dins l’ salle n’y avot eune grosse mékène(machine) ahoquée (accrochée) à ch’ plafond, qu’al pouvot avancher (avancer) pis déculer (reculer), intar deux rals (rails) d’éch plafond pou agalir (régler) éch lanternache (projection).
Chal mékène ch’étot eune lanterne d’arver (rétro-projecteur) pis al mettot ches imaches padzeur in grand écran qui faijot tout ch’ mur dins l’ fond d’él pièche.Em souvnance (la mémoire) d’éch lanternache (projection) d’él ducasse (jour de fête) à Tati al est core lo.
J’ém ramintuve (souviens) qu’in o chi (ici) ri à maronne déblouquée (ri à ventre déboutonné), in veyant ch’ berlou intiquer (enfoncer) sin potyow aveuc ses yux qui roulètent (roulaient) , ech facteur fruchant (fonçant) ch’ l’ayure(la haie) pou li aller pus rade (vite), pis donnant ches lètes (lettres) à ch curey dins ch’ cloquer (clocher) in prindant (prenant) sez écoriches (élan) aveuc éch compe (corde) d’el cloque (cloche).
Pinsez mes gins, tout ch’ villache qui s’ met à rire in min.me temps, padvant ches imaches à Tati. Eune vré communion. Pis un viux qui crie "Aïdon" o bin un aute qui jure "mes marronnes", pont eune buque inchpé ( géné) equ tertous i l’ intinche (subjonctif du verbe intinde , entendre).
Achteure, ch’est pus parèl, énon ?

(*) Jour de fête à Sainte Sévère, Exclamations à Saint Nazaire
Le 26/05/07
Dziré (Ablain Saint Nazaire, 62)