INFUTE IN AVANDEUR !

parasite marin, éboueur de la mer
samedi 11 août 2007
par  Dziré

Ch’est pont à dire, mais ch’ l’ holothurie, d’ sin nom d’ bartèque (surnom) concompe (concombre) ed mer, ch’est vrémint pont eune beltey (beauté) d’el nateure. Ch’est tout comme un gros boudin tout mo (mou), qu’in érot bouté (posé) dsus ch’ fond d’ el mer. Cha sert dins l’iau tout parèl qu’in vier (ver) dins l’ terre. I n’est pont lo pour aryen, il est fort profitant (utile) pour nous débla.yer d’ ches cafuts (déchets). In conte équ’ sur un hectare , n’y érot (il y aurait) dusqu’à 30 000 concompes ed mer, pis qu’au long d’eune année ch’est pus d’ sept chints ton.nes ed berdoule (vase) pis d’ sape (sable) nettiés (nettoyés) dins ches bo.yaux (intestin) d’ ches bétals-lo. Ch’est qua même pont racachant (agréable) à ravizer (regarder). Mais n’y o qua même des gins qui sont pont eune buque (pas du tout) nactieux (difficiles, dégoutés), ch’est ches chinoès, pis core edz autes in Asie qui mingent-è ches concompes-lo. Ches holothuries, in lzé délomme la-bos "trepang" pis in lz apprète (prépare) in molé pourrites (pourries), réchuées (séchées), pis cuites. I sânne (semble) à vir (voir) équ ch’est un fin glou morciau (morceau de choix) pour eusses (eux) cho fait qu’in in pêque (pêche) core un cop (encore une fois) gramint (beaucoup) d’ trop. Ches holothuries n’y in o ed pusieurs sortes (espèces). Chal noirte holothurie, a s’ défind in équichant (éclaboussant) pa l’ tro du cul ses jus (organes) éd "Cuvier" ch’est comme du fil blanc qui vient solite dins l’iau pis collant pour inchper (empêtrer) chti qui l’ achind (assaille). Chl’ équichon-lo(rejet) ch’est tirape (étirable) à l’impossipe, dusqu’à trinte fos s’ longueur, ch’est du vré Spiderman, énon ?
Ches holothuries langue ed cat (chat), il ont bien des ruses (soucis).
Ch’est des bêtes qu’il ont core gramin d’imbarros (embarras) rapor à (à cause de) ches profiteux (parasites). Ches profiteux, ch’est des pichons (poissons) fin affrontés (sans-gêne), qu’il ont arien truvé (trouvé) d’ miux, qu’ éd leu rintrér dins l’ daryère (derrière), pis d’ s’y mette au coué (abri), pour eusses ête au rados (abri) d’ ches dingers (dangers) du déors (dehors). Ches pichons-lo in lzé lomme edz "aurins" in fransé, mais ch’ nom d’ bartèque ch’est pichon tarmomète (thermomètre). Ech pichon-tarmomète ch’est comme si qu’in l’érot (aurait) fait à l’ fourme (forme), pis à l’talle (taille) d’ech cocompe ed mer. Ch’est rédeux (curieux) éch l’aurin il o él longueur d’éch bo.yau (intestin) d’ concompe, il o l’ même fourme, pis cor il est agu (pointu) par daryère pace qu’i s’infute (s’enfonce) dins l’ cul d’éch concompe ed mer in déculant (reculant). Quan qu’il est bien installé, i passe és tête, comme si qu’i ravizot (regardait) à ch’ cassis d’ farnète (fenêtre). Pour esn ajutey (confort), ech l’aurin, il o sin cul pis ses jus (organes génitaux) tout près d’és bouque (bouche). Cho fait qui peut faire tou s’ digession sans s’ dessaquer (sortir) d’éch concompe ed mer. Vos-t-in vir !
In o déjo conté dusqu’à sept tarmomètes dins l’ même cul d’ concompe ! Pauve bête, faut pont t-ête seurprind (surpris) qu’il euche (ait) fait dal timpérature !
Ech l’aurin i vo quère sin miache (nourriture) par nuit, pis il arprind (reprend) s’ plache (place). Quanq qu’ cha li prind ch’ l’affronté (sans-gêne) d’ pichon-tarmomète, i rongue (ronge) ch’ tit boutique (parties génitales) pis ches pomons (poumons) d’éch concompe. Alorsse éch concompe i s’ fout in prousse (se met en colère) pis i fout à l’uche (expulse) tout sin bo.yau pis ches profiteux in même temps. Pou ch’ l’ l’holothurie langue ed cat, i faut intar deux pis tros smânnes (semaines) pour arfaire (reconstituer) éch bo.yau jechté (jeté). In donnant ses bo.yaux pis ses pomons à mier (manger) à ch’ l’achindeux (assaillant, prédateur), ch’ concompe il resse (reste) in vie. El jechtache (jet) ed bo.yau d’ éch concompe, ch’est du même parèl (identique) qu’ech lanjar (lézard) aveuc es queue, savoir laicher (laisser) un bout d’sin corps pou rester in vie !

(*) enfoncé en profondeur !

Le 12/08/07
Dziré (Ablain Saint Nazaire, 62)


Agenda

<<

2018

 

<<

Juin

 

Aujourd’hui

LuMaMeJeVeSaDi
28293031123
45678910
11121314151617
18192021222324
2526272829301
Aucun évènement à venir les 6 prochains mois

Brèves

contacter les rédacteurs

lundi 28 mars 2011

J’ai rchu quiques messaches invo.yés par ches lijeux. Jé lzé li, pis core j’ai poent pouillu rinfliquer pache vous messaches i sont invo.yés dins m’ boète à lette par ech manicraque. Pour mi savoir édu adercher l’ rinflique, fauroèt qu’os laichèches vou adrèche mail dins ch tesque d’ech messache.
Amiteuzmint
Dziré

Pour une réponse personnalisée à un contact avec un rédacteur, il est indispensable de laisser votre adresse mail dans le corps du message.