QUI QU’ CH’EST CH’ MAITE ICHI ?

Indépendance du service public France Télévision ?
vendredi 31 août 2007
par  Dziré

Poutinette, il étot invoé (parti) in vagances, mais padvant il avot donné d’ l’ouvrache à ches dérigeux (dirigeants) éd France Télévision. I avot invoïé eune lette à ch’ minisse éd la Culture, édu qu’il avot écrit "i faut qu’ ches cân.nes (chaînes) publiques al faichent-è (fassent) ed plus d’émissions populaires, pis seurtoute qu’in voèche bien el distinction aveuc TF1 pis M6 in féjant des programmes culturels.
Patrick de Carolis prézidint, pis Patrice Duhamel sin bros drot qui dérige ches programmes, il ont déjo queuminché (commencé) à canger in molé ches programmes, il ont les freurs (frayeurs) qu’in vienche leu saquer (tirer) leuz orelles.
In vo pouilloir (pouvoir) ravizer (regarder) dz opéras padvant l’heure d’ aller à jouque (avant d’aller coucher = heure de grande écoute) toute et au long d’ l’année. I faura pus attinde el trinte et un d’ juhillet pou vire ech "Trouvère" ed Verdi, qu’il o rasânné (rassemblé) 1,7 miyons d’ ravizeux (téléspectateurs).
Des pièches ed téyate al sront ramoutrées dsus ches cân.nes publiques. Il ont ecmindé eune émission écologique à Ian Arthus-Bertrand, pis France Télévisions i s’in vo faire eune grande histoire dsus chal résistance française.
Veyez in molé si ch’est des baje-culs , aveuc l’écologie qu’al vient tout drot d’él campane électorale, in érot pus l’ faire gramint pus timpe (tôt) !
Pis, ch’est ch’ dijache (discours) à Sarkozy dsus Guy Môquet, qui leuz o donné l’indite (idée) ed faire eune série dsus la résistance.
Ch’est pou France 2 el mo.yen ed faire autermint qu’elz autes cân.nes in laichant quère l’apanache (éxagération dans la tenue, ici paillettes).
N’y o pont qu’ l’époriche (synonyme d’apanache) qu’il ont laiché quèr (tomber) , il ont arrêté "Arrêt sur Image" dsus France 5 eune émission ed pourmirache (examen minutieux) ed maniance (manipulation) ed chervelles (cerveaux) pa l’ télé qu’al passot el diminche intar midi et dmie pis enne heure edmie. Duhamel il o truvé qu’al étot lo edpis trop lonmin, t’as qu’à vir !
Pis un chito.yen responsape, i s’ ramintus qu’ Mitterand i avot mis in plache enne "Haute Autorité de l’ Audiovisuel" pour impécher ch’ pouilloir politique d’ ecminder ches télés. Chal Droite al o cangé un molé ches règs aveuc ech "Conseil Supérieur de l’ Audiovisuel". Alorse quoé qu’ ch’ n’ n’est qu’al vient faire chal lette à Poutinette.
In cangeant ses programmes, France Télévision al est pont eune buque asseurée d’ ratriner (attirer) gramint d’ plus éd ravizeux, chou qui frot monter l’ coutance (prix) dél réclame, pis ches dmindes ed ches annoncheux. Au contrèle si ches ravizeux, i s’in vont alorse, ches sous i n’vont pus rintrer.
Pour li abloquer (financer) France Télévision, éch governmint il o deux suppozes (hypothèses) :
Augminter ch’ l’ardvance, savez el conterbution d’ 116 uros, qu’al o toudis l’ même coutance edpis 7 ans, à forche (tellement) qu’al plait pont eune buque à ches gins.
Faire un copache (coupure) à l’ réclame dins ches émissions in platiau, ches amuzmints (divertissements) pis ches jus (jeux). Tout cho, ch’est pont du culturel.
Mais, ches gazettes, al archeutent pus gramint d’ réclame, alz ont l’ peurène (peur) ed tout perde ; ches autes cân.nes pis ches tardioles (radios), i n’ veutent-è pont d’ cha pace il ont les freurs ed vir partir ches annoncheux amon (chez) d’ France Télévision.
Ches espécialisses d’él Télé i ditent qu’ech governmint il est inchpé (embarrassé) à queujir intar faire grouler (faire bouder = mécontenter) ches gins o bin faire grouler ches médias.
Poutinette i n’ o pont prins gramint d’ gants pour li annoncher qu’ ches malates i z allètent-è pa.yer pou Alzheimer, pis pou ch’ chanque, aveuc ésn aboulache in pertance (franchise) alorse pou l’ télé n’y érot qu’à abloquer France Télévision par eune taxe prinsse (prise) dsu ches rintrées d’ réclame amon TF1 pis M6.

Le 20/08/2007
Dziré (Ablain Saint Nazaire, 62)


Agenda

<<

2018

 

<<

Octobre

 

Aujourd’hui

LuMaMeJeVeSaDi
1234567
891011121314
15161718192021
22232425262728
2930311234
Aucun évènement à venir les 6 prochains mois

Brèves

contacter les rédacteurs

lundi 28 mars 2011

J’ai rchu quiques messaches invo.yés par ches lijeux. Jé lzé li, pis core j’ai poent pouillu rinfliquer pache vous messaches i sont invo.yés dins m’ boète à lette par ech manicraque. Pour mi savoir édu adercher l’ rinflique, fauroèt qu’os laichèches vou adrèche mail dins ch tesque d’ech messache.
Amiteuzmint
Dziré

Pour une réponse personnalisée à un contact avec un rédacteur, il est indispensable de laisser votre adresse mail dans le corps du message.