IN N’ PEUT MIE TOUDIS ETE BIO

chrysomèle, maïs, insecticide, culture bio, OGM
lundi 17 septembre 2007
par  Dziré

In ravizant, ches nouvelles à ch’ midi (17/09/2007) amon France2, ch’ l’ amoutreuse al o plédié dsus eune affaire ed "chrysomèle" qu’al arife in Savoie. In o pichoté du mordinsèque dins ches camps, pis in o dmindé à ches pousseux d’échins (apiculteur) ed rinfreumer leus échins (abeilles). Pou définde ches gros cinsiers in o core in cop fait morir ches échins, pis imbernaqués ches camps d’ ches cinsiers "bio", qui bé seur én sont pus "bio".

Vlo chi él même istoire qu’ a so passé in 2005 dins ches alintours ed Paris.
J’acoutos ech’ posse ach’ matin, vous n’advinerez pont chou qu’ j’intind mes jins : dins ches ajés ed’ Paris in est
invahi ed’ chrysomèles. C’est eine sorte ed’ macpain (scarabée) qu’ i a ein cu.mayo (larve) qu’al est rud’mint galaf su ches racheines ed’ blé d’turc (maïs). Alorsse pour é-zes foute à l’uche in s’in vo arprinde des aréoplanes epis des zaricoptères pour pluvoir ed l’insecticite tout partout. I sont tellemint subtils pou picher lu marluche su ches camps qui finitent ches fourrières aveuc des ingambeux (enjambeurs) comme cha i’ n’ pichotent pont ches masons Ej’ ramintuve ichi el’ début dech film ed’ Robert Altman "short cuts", qui queuminche par eine alerte et ches jins i font rintré ches jones dins l’mason jusse edvant qu’ ech l’ haricoptère d’mordinsèque (insecticide) i pichote leu piscine.
Ichi i vont bacheiner (aviser la population, mais n’y o pus ed’ garte-champête) "n’y a pos ed’ danger mais ch’est miux si qu’ os z’êtes pont padzous". Pour n’in définir, el’ Directrice Régionale ed’ l’ Agriculture, al’ o dit d’ bacheiner ches cint’ aérés epis ches cint’ esportifs,. Pinsez ein molé ches pitits viux dins lu mason d’artraite, si qui sont déhors aveuc lus épeutnaers à grosse caleur (épouvantail à canicule = brumisateur), ch’est mie rien si qui n’in profitent in molé. Al o asseuré qu’is zérèt’ent el minustrie con.me des sérusiens (précision chirurgicale). Peu qu’manké, ches zaricoptères y doètent passer padzeur ches camps d’in cinsier ed’ Feucherolles qui fait ed l’élevache "bio". Ses glennes pondoires al queur’ent dins sin patis et in leu donne à mier du grayn ed’ blé d’ turc bio qu’ech t’hon.me y fait pousser dins ses camps. Ech l’arrousache d’mordinsèque cha li fait perd’ sin "label bio" et cha li déclasse ses camps is n’ séront pus bio pour un an au moins. I li faut arqueumincher tous ches etapes, dossiers, contrôles, certifications. Pindant ch’ temps là in sème in dépoule, in récou, mais ch’est pont du bio.
In n’o pont ed’ récompinsache (remboursement) pour in ju parel (pareil cas). In sait rimbourser ches passaches ed pourcheau singlet, ches berbis escoffiées par ches leus o bin ches ourses, mais pont ech cinsier bio .
Ches responsapes ed l’Etat is ditent qu’y n’y o qu’in mo.yin ed’ foute à l’uche ches chrysomèles ch’est ed’ faire in éparsin d’mordinsèque (insecticide) margré qu’ cha coûte fort quer.
Mi qui n’ sus pont gazetteux (journaliste de l’écrit) et pont raquillonneux (journaliste de radio ou de télévision), ej’ va chi vous donner quiques pisses ed’ busiache (pistes de réflexion) :

In preume, l’ INRA(Institut national de Recherche Agronomique) i dit qu’ el’ chrysomèle a n’ vit pont dins nous climat , qu’ y li faut in climat continental. Ainsi in n’est pon seur d’avoir tant à s’ déméfier d’ech macpain là.
In deusse : Si dins in camp, in cange ed culture tous l’ z-ans el chrysomèle al va querver tout seu.
In troisse : L’ Europe qu’al donne tant d’sous à ches gros cinsiers pour nous imbla.yié aveuc leu blé d’ turc, al a rin pouch’ pover cinsier bio. Ch’ est d’ es faute i a qu’ a pont ête si faipe.
In quate et là ch’est bin pus trisse : in juillet 2002 in o fait del’ réclame pour in maïs OGM contère-chrysomèle. Et comme dé fé ch’est jusse après ch’ t’annonche lo qu’in o queuminché à vir ches chrysomèles dins ch’ pa.ys d’ Roissy épis d’ Orly. Ch’est ty pas eine sapré conyansse (hasard, coïncidence).

Le 21/08/05
Dziré (Ablain Saint Nazaire,62).


Agenda

<<

2018

 

<<

Avril

 

Aujourd’hui

LuMaMeJeVeSaDi
2627282930311
2345678
9101112131415
16171819202122
23242526272829
30123456
Aucun évènement à venir les 6 prochains mois

Brèves

contacter les rédacteurs

lundi 28 mars 2011

J’ai rchu quiques messaches invo.yés par ches lijeux. Jé lzé li, pis core j’ai poent pouillu rinfliquer pache vous messaches i sont invo.yés dins m’ boète à lette par ech manicraque. Pour mi savoir édu adercher l’ rinflique, fauroèt qu’os laichèches vou adrèche mail dins ch tesque d’ech messache.
Amiteuzmint
Dziré

Pour une réponse personnalisée à un contact avec un rédacteur, il est indispensable de laisser votre adresse mail dans le corps du message.