S’ APINSER O BIN COQUER I FAUT QUEUJIR !

lundi 13 février 2006
par  Dziré

Amon d’ ches cats-soris i s’in passe des droles, mes jins. Ches marles les pus vertillants al bisse(sexe) éd ches fumelles, ch’est cheux qui z ont eine nénéne (minuscule) ed chervelle. Des cats-soris i n’a éd gramin d’ sortes (espèces). Ches arcacheux dérijés par Scott Pitnick, ach l’universitey éd Syracuse, dins ches Etats-Unis, i z ont amoutré qu’amon d’ ches sortes éd cats-soris, qui zont des fumelles bistalières (volages), ches marles i qui z-ont ches pus grosses-è varzelles (testicules) bin ch’est cheux qui zont el pus pitite chervelle. Dins ches sortes equ ches fumelles al sont attaquées (fidèles) a leu marles, ben ches varzelles al sont à l’estrique mais el chervelle al est fin grosse. El talle éd ches services tros pièches (attributs) al est for importante. Ech l’étute al fait la preuf qu’amon d’quiques sortes ed cats-soris, ches marles i zont a queujir intar él chervelle pis ches coules, si qui veutent faire vie qui dure.

Ches cats-soris ch’est l’ deuzi.inme pus grand groupe ed bêtes à tètes (mammifères) - après ches rongueux (rongeurs) -, aveuc a l’ cantourne éd mil sortes. Pache qu’al sont fort apropes a s’ dérijer pis a naviguer, in a fait eine afarey d’étutes edpis for lonmin. Pitnik pis ses cacheux i n’ont eu qu’ a n’in pucher ches rinsinemints qui leu fallot sans s’ n’ aller dins ches grottes. Si ches fumelles al s’ laichent-è coquer par puzieurs marles alors ches ablayeux d’ marles i font du rinquère (les mâles entrent en compétition). Ch’est a chti qui frot el plus éd chirop d’ marle (sperme). Ech marle qui écliche (éjacule) él plus éd chirop, ch’est chti qui érot el plus ed chance pour li rimplir (féconder) el fumelle, ch’est pour cha equ ches cats-soris i s’ sont mis a faire des varzelles comme des sacoches éd vélow. Ech phélomèle-lo in l’o étou aveuc ches chimpanzés, qui n’sont pont non pus attaqués ach coupe. Elarguir pis warder és chervelle cha prind gramin d’arsources métaboliques. Dins ches sortes éd cats-soris équ ches fumelles al sont bistalières, éch marle i bat sin lard (est occupé) à faire grochir ses varzelles, pour li asseurer ch’ l’arproduction dél sorte, alorse i n’ li resse mie pus assez d’énergie pour li faire pousser és chervelle.
D’après ch’ l’étute chi, dins ches sortes monogames él chervelle ch’est 2,6 du chint éd lu poids, tandisse qu’amon ches coureux, a n’ fait pus qu’ 1,9 du chint déch poids. T’as qu’à vir.


Agenda

<<

2018

 

<<

Novembre

 

Aujourd’hui

LuMaMeJeVeSaDi
2930311234
567891011
12131415161718
19202122232425
262728293012
Aucun évènement à venir les 6 prochains mois

Brèves

contacter les rédacteurs

lundi 28 mars 2011

J’ai rchu quiques messaches invo.yés par ches lijeux. Jé lzé li, pis core j’ai poent pouillu rinfliquer pache vous messaches i sont invo.yés dins m’ boète à lette par ech manicraque. Pour mi savoir édu adercher l’ rinflique, fauroèt qu’os laichèches vou adrèche mail dins ch tesque d’ech messache.
Amiteuzmint
Dziré

Pour une réponse personnalisée à un contact avec un rédacteur, il est indispensable de laisser votre adresse mail dans le corps du message.