L’ARLIGION CH’EST POU CHES THIENS

bénédiction d’animaux domestiques à Flers en Escrebieux
dimanche 17 octobre 2010
par  Dziré

Diminche el 7 d’octope 2010, France 3 Nord-Pas de Calais, il o eu l’indite [1] ed queumincher [2] sin jornal ech 19-20, in vnant nous cacouiller [3] aveuc ech curé d’ Flers dins chl’ Esquerbieu [4], jusse à l’appoè d’ [5] Douai.
Comme el dijoèt Pierre Sabbagh, dins ches tout premiers jornals à l’ télé, dins ches années chinquante, nous autes in n’ fait poent des nouvelles, ichi à l’ télé, in fait d’l’espectaque, aveuc ches imaches qu’in s’in vo amoutrer [6]. In fait d’espectaque, in o té fin bien servi. Un curé aveuc eune casupe [7] verte, qui chinchonnoèt [8] eune cascarinette [9]. Pis core des drôles dé paroèthiens [10] dins les bros d’ ches paroéchiens [11], in attindant d’archuvoir [12] un bénichmint [13] à l’iau bénite. Gn’ avoèt tellmint d’ bêtes à bénir, qu’ech curé il avoèt l’ ployant [14] d’sin queude [15] fin doreux [16], à forche d’escouer chl’ aspergesse [17], à l’ définition [18] d’el messe. Gn avoèt même des gra-mères à crottes pis des gra-pères à crottes [19] qu’a voloètent-é [20] batijer [21] leu tite bête. Pou l’ peu qu’i m’ resse ed min catéchisse, édu qu’ ch’est qu’i fauroèt [22] s’abujer [23] pou truver [24] ch parrain, pis challe marraine qu’i s’in vont induquer [25] ch’ thien pou l’ faire abaïer [26] catholique, morde [27] catholique, tchier catholique, pis coquer [28] catholique. Pis, si j’ai bien intindu, trinte myions d’amisses comme qu’i ditent à l’ télé, ch’est qu’i n’in faut d’el iau bénite. Os allons bouler court [29] d’iau bénite. Queulle abolition [30], mes gins ! Ch’ r’est [31] cor la crisse [32], énon ?

Le 16/10/2010

Dziré (Ablain Saint Nazaire, 62)


[1indite : bonne idée, initiative

[2queumincher : commencer

[3cacouiller : blaguer, plaisanter, conter des cacoules

[4Flers dins chl’ Esquerbieu : Flers en Escrebieux

[5à l’appoè d’ : tout près de

[6amoutrer : montrer

[7casupe : chasuble

[8chinchonner : agiter de droite et de gauche

[9cascarinette : castagnette

[10paroèthien : jeu de mot pour désigner les chiens de la paroisse

[11paroéchien : paroissien

[12archuvoir : recevoir

[13bénichmint : bénédiction

[14ployant : articulation

[15queude : coude

[16doreux : douloureux

[17aspergesse : goupillon

[18définition : fin

[19gra-mère à crottes, gra-père à crottes : propriétaire de chien, en référence aux déjections négligemment abandonnées sur les trottoirs et les pelouses

[20qu’a voloètent : qui voulaient

[21batijer : baptiser

[22edu qu’ ch’est qu’i fauroèt : où faudrait-il

[23s’abujer : s’adresser à, avoir recours à

[24truver : trouver

[25induquer : éduquer

[26abaïer : aboyer

[27morde : mordre

[28coquer : couvrir la femelle, copuler

[29bouler court : se trouver démuni, venir à manquer de, être à court de

[30abolition : malheur, désastre

[31ch’r’est : c’est de nouveau

[32crisse : crise


Agenda

<<

2018

 

<<

Juillet

 

Aujourd’hui

LuMaMeJeVeSaDi
2526272829301
2345678
9101112131415
16171819202122
23242526272829
303112345
Aucun évènement à venir les 6 prochains mois

Brèves

contacter les rédacteurs

lundi 28 mars 2011

J’ai rchu quiques messaches invo.yés par ches lijeux. Jé lzé li, pis core j’ai poent pouillu rinfliquer pache vous messaches i sont invo.yés dins m’ boète à lette par ech manicraque. Pour mi savoir édu adercher l’ rinflique, fauroèt qu’os laichèches vou adrèche mail dins ch tesque d’ech messache.
Amiteuzmint
Dziré

Pour une réponse personnalisée à un contact avec un rédacteur, il est indispensable de laisser votre adresse mail dans le corps du message.