IN O DEFREUMÉ D’L’IDIOTE 131

émission incontrôlée d’iode 131
lundi 21 novembre 2011
par  Dziré

Nouzautes, qu’os restons dins l’ Norpadcalé, os ons pardu nous rouche étiqué [1] dins l’ moès d’novimpe 2011, rapor à d’l’idiote 131 [2]. Savez mes gins, d’l’idiote, ch’est un ju qu’ches farmassiens i n’in font d’el pinture, ouais d’el pinture d’idiote. Dins chl affère-lo, gn o poent dzoin d’aller droguer [3] à l’ farmasserie, ch’est un neuache [4] d’idiote 131, qu’il o vnu varouler [5] padzeur nous pa.ys pis s’insaquer [6] dins nouz aspiral [7]. Comme toudis, ches agarants [8] d’ches patriqueux [9] d’noyaux d’l’atome, il ont prins la parole sans rien dminder à parsonne pour nous bacheiner [10] comme d’habitute, « Gn o poent eune buque [11] ed dinger ! ». Comme du Médiator, comme ed l’amiante, faut poent déturber [12] incore moins inchper [13] el liberté d’ches bouticliers [14]. Au queuminchmint [15] d’ech vintième sièque in vindoèt du radium dins tous ches bons boutiques ! Adont, ch’étoèt la mode d’acater [16] des produits au radium. In avoèt truvé dz arlommés medcins qui faijoèttent d’el réclame pou l’ bénachté [17] d’ech radium ; aveuc ech radium in arguérichoèt tous ches maladies inmaginapes : ed l’artruite [18], dusqu’à ch’ chanque [19], d’el pertinsion d’ches altères [20] dusqu’à les yux d’ches avules [21]. Ch’étoèt un fin bon armède pour faire bouloter [22] chl amasse [23] ed ches charlatans. Mais, adont, fauloèt aller acater tous ches produits-lo à ch marqué [24] u bien core à l’farmasserie, ch’ cop chi, chl idiote 131 a nous o té acconduite pour arien, tertous il o pouillu n’in proufiter. Cho qu’il est fin rédeux, ch’est pou s’définde conte echl idiote 131, qu’al est radioactife, in peut prinde d’el pinture d’idiote, t’as qu’à vir !
Gn o mie mo.yen d’ savoir qui qu’ch’est qu’il l’o défreumée [25] chl ‘idiote-lo, ch’est tut à fait cho el seurté nucléaire !

Le 21/11/2011

Dziré (Ablain Saint Nazaire, 62)


[1rouche étiqué : label rouge

[2idiote 131 : prononciation accidentée d’iode 131

[3droguer : s’impatienter en perdant son temps

[4neuache : nuage

[5varouler : se promener

[6s’insaquer : s’insinuer

[7aspiral : système respiratoire

[8agarant : sympathisant, partisan

[9patriqueux : manipulateur, tripoteur

[10bacheiner : diffuser largement, aviser la population

[11poent eune buque : pas du tout, absolument pas

[12déturber : déranger

[13inchper : entraver, gêner

[14bouticlier : commerçant, boutiquier

[15queuminchmint : début

[16acater : acheter

[17bénachté : bienfaits

[18artruite : pour arthrite

[19chanque : chancre, cancer

[20pertension d’ches altères : hypertension artérielle

[21avule : aveugle

[22bouloter : prospérer

[23amasse : fortune, épargne

[24marqué : marché

[25défreumer : libérer, relâcher


Agenda

<<

2018

 

<<

Novembre

 

Aujourd’hui

LuMaMeJeVeSaDi
2930311234
567891011
12131415161718
19202122232425
262728293012
Aucun évènement à venir les 6 prochains mois

Brèves

contacter les rédacteurs

lundi 28 mars 2011

J’ai rchu quiques messaches invo.yés par ches lijeux. Jé lzé li, pis core j’ai poent pouillu rinfliquer pache vous messaches i sont invo.yés dins m’ boète à lette par ech manicraque. Pour mi savoir édu adercher l’ rinflique, fauroèt qu’os laichèches vou adrèche mail dins ch tesque d’ech messache.
Amiteuzmint
Dziré

Pour une réponse personnalisée à un contact avec un rédacteur, il est indispensable de laisser votre adresse mail dans le corps du message.