LAICHEZ-VOUS DIVARTIR PAR CHES PATOIJEUX !

Robert Dacosta et ses "Divertichmints in Patois"
lundi 27 février 2012
par  Dziré

Robert, il o quater-vint quate ans, pis il est cor vertillant comme un jôn.ne hon.me.

Jou qu’os porroètes nous broucher el pourtrait ed vou troupe ed téyate ?

Ch’est eune troupe ed 8 saltimban, on dit core des faijeux d’ju, pis quate atrimpeux d’ manicraques (ches micros, ches leumières, ches décors, ches photos et pis core ches flims). Chelle troupe on l’ l’appelle "Atelier et théâtre patoisant". Ches faijeux d’ju il ont intar 32 et pis 84 ans. Robert Dacosta, qu’il ouvroèt padvant à Usinor Isbergues, i récrit pis i dérije ches faijeux d’jus. J’in sut à min cinquième « Divertichmint in Patoès ». Edvant j’avoès déjo récrit deux pièches in troès aks. Cho fait déjo trinte ans qu’ j’écris pou l’ téyate.
Un « Divertichmint in Patoès  » ch’est quate saynètes d’afilée.
Dins ch divertichmint liméro 5 i gn o
-  Machuquer et réchuer  : ch’est pour parler d’el séruzrie d’ beltey
-  Papy i a eu caud  : Ch’est un papy qu’il est vef edpis quiques années, pis qui n’treufe poent d’plache dins un asile pou ches vius. Sin fiu i veut bien l’ prinde à s’mason, mais l’ bèle-file a n’ veut poent n’n’intinde parler.
-  Quo qu’os in dijez ? : ch’est eune histoire ed téléphone portape, qui n’est poent eune buque wardeux d’escrets, si qu’i quèt dins les mains d’un curieux ou d’eune curieuse. Gn o lo des coses qu’al content cho qu’os faijez pis core aveuc qui qu’os l’ faijez.
-  Mes éfants, mes pitits éfants, min thien… et m’n’ homme pour amoutrer tout l’ plache equ ches bêtes al printent dins ches masons.

Êjou qu’os êtes souvint à chambuquer dsus chl’ ourdache ?

Os avons, à l’ cantourne ed deux arprézintations dins un moès. Ed juhin à sectimpe, os n’ juons poent, os faijons arlache. Gn o déjo six dates d’arténues pou l’année 2013.

Le 28/02/2012

Dziré (Ablain Saint Nazaire, 62)


Agenda

<<

2018

 

<<

Avril

 

Aujourd’hui

LuMaMeJeVeSaDi
2627282930311
2345678
9101112131415
16171819202122
23242526272829
30123456
Aucun évènement à venir les 6 prochains mois