RÉSISTEZ ! (Louis MEXANDEAU) Mi, G Kèr !

Leçon d’histoire à ne pas oublier... dans l’isoloir
samedi 28 avril 2012
par  Dziré

Louis Mexandeau i est né natif d’ech villache ed Wanquetin, in Artoès, equ ch’est un pa.ys d’guerre pis d’résistance. I o vnu au monte in 1931.
I vient d’ dessaquer un pétit life ed trinte paches : « Résistez [1] » ch’est ch’ tite.
Louis i nous asplique ches troès cosses qu’al l’ont mânées à écrire.
In preume, gn o déjo sochante dij ans qu’ ches Alemans il ont vnu arrêter sin père à cause qu’i faijoèt d’el résistance in févérier 1942.
In deusse, dins l’ Nord-Pas de Calais, gn o eu d’el résistance populaire tut d’suite après juin 40. Cho fait qu’on o fusillé des chintân.nes ed jon.nes gins dins ches fonsés d’ ches chitadelles d’Arrau pis d’ Lille Gn o eu el grante grève ed ches mineurs in maï 1941, aveuc edz héros d’un corage qui n’avoèt poent d’ lisse. I sont morts in 1941-1942. Cheux qu’il ont pouillu récaper, i sont involtés. Louis il o fait un flim à preupos d’chel résistance-lo ch’est « Zone Interdite » ; ch flim i n’est pos core dessaqué.
In troèsse, pou ch votache ed 2012, i n’ faut poent s’faire abuser poent d’plus qu’ed laicher récour nou histoire par ches ablaïeux.
Edpis 2007, ches cacoules Sarkozy aveuc Jaurès, Blum, Guy Moquet, ch’est hontape !
Bien pus pire, ch’est qu’ech parti d’estrème droète il o vnu dins nou pa.ys el plus aboli pis l’ plus résistant d’ France, es faire eune belle plache. Gn o poent eune buque ed sin !
Gn o un d’ ses comarates à Louis qui li dit qu’ ches jôn.nes d’ Hénin, i vont radmirer l Mercédes décapotape ed Marine Le Pen, padvant s’ permaninche.
Ches candidots Le Pen i font gramint d’voèx,dins l’même cuin qu’in 1941-1942, des dijân.nes ed résistants il achindoèttent-é ches Alemans, pis i faijoèttent camper ches ponts, ches écluses, ches transformateux.
Louis i nous dit : « La question demeure : Comment, pourquoi cette région où se déroula la première lutte armée de France, où la dignité de l’homme et la liberté de la patrie trouvèrent leurs plus farouches défenseurs, a pu s’abandonner aux slogans sommaires d’un parti néo-fasciste qui n’arrivera jamais à cacher sa parenté idéologique avec les oppresseurs impitoyables de ce temps-là ? »
« Résistez ! »

Le 27/04/2012

Dziré (Ablain Saint Nazaire, 62)


[1Louis Mexandeau RÉSISTEZ !, préface de Raymond Aubrac, Editions VIVE LA LIBERTÉ, Prix 3 Euro


Agenda

<<

2017

 

<<

Novembre

 

Aujourd’hui

LuMaMeJeVeSaDi
303112345
6789101112
13141516171819
20212223242526
27282930123
Aucun évènement à venir les 6 prochains mois

Brèves

incrachons nous parlache à l’iau claire !

samedi 22 septembre 2007

In arvénant d’aller in vagances dins ches Voches, à l’ appoé d’ l’ Alzace, j’ai ratriné aveuc min briquet eune boutelle d’ iau, d’ Soultzmatt, qui gn’ o dsus sn étiqué un prouverpe alzachien
"Güet essa und trinka hebt Lieb und Seel z’samme"
"Bien manger et bien boire garde unis l’amour et l’âme"
Eau de source de Soultzmatt "Lisbeth".
Faurot n’in faire autant aveuc el iau d’ Saint-Amand qu’in in vind tout partout in France.
Pour énorter ches vindeux à mette du chtimi dsus ch’ l’ étiqué, in pourrot queumincher par mette "In voué toudis quanqu’ j’a bu, pont quanqu’ j’a soué".

Jornée mondiale ed ches « langues maternelles »

mercredi 8 mars 2006

I parait qu’ech 26 ed févérier, ch’étot l’jornée mondiale ed ches « langues maternelles ». Mi, j’en’n ai pon intindu parler... Mais vlà qu’pou chl’ocasion-là, ej treuve su un wèpe belche (Enseignons.be) un biau artike su chl’aprindache ed ches lankes ed ches régions in Belgique. In y aprint qu’is vont agimoler un coloque su l’pédagogie dechl aprindache-là, in juin qui vient. Pi in treuve eune bèle carte ed ches lankes in Belgique... dù qu’in vot qu’is ont 7 lankes, foque pou l’Walonnie !

Sur le Web : enseignons.be

Charte européenne des langues régionales

mercredi 8 mars 2006

Le rapport de M. Alvaro Gil-Robles, commissaire du Conseil de l’Europe aux droits de l’homme, sur « le respect effectif des droits de l’homme en France » (rendu public le 15 février 2006), a surtout frappé les esprits par sa description apocalyptique des prisons et de la justice. Mais il aborde également d’autres points qui n’ont pas retenu l’attention des médias. En particulier, Alvaro Gil-Robles appelle le gouvernement français à ratifier la Charte européenne des langues régionales ou minoritaires, signée en 1999 et bloquée par une décision du Conseil Constitutionnel suite à une saisine de Jacques Chirac. Rappelons que l’application de cette Charte permettrait d’améliorer (un tout petit peu) la place des langues dites « de France » (le picard en fait partie) dans la vie publique. (Source : Kabyles.com)

Sur le Web : Conseil de l’Europe